၂၀၂၃ ခုနှစ်၊ ဇွန်လ ၂၂ ရက်တွင် ထုတ်ပြန်ခဲ့သည့် အမေရိကန်ပြည်ထောင်စုနှင့် အိန္ဒိယနိုင်ငံ တို့၏ ပူးတွဲကြေညာချက်၌ မြန်မာနိုင်ငံ၏ အခြေအနေနှင့် ပတ်သက်၍ ဖော်ပြခဲ့ကြောင်း နိုင်ငံခြားရေးဝန်ကြီးဌာနက သိရှိရသည်။
၂၀၀၈ ခုနှစ် ဖွဲ့စည်းပုံအခြေခံဥပဒေနှင့်အညီ အာဏာ (၃)ရပ်ကို တာဝန်ယူထားသည့် နိုင်ငံတော်အစိုးရအနေဖြင့် တရားစီရင်ရေးအာဏာကို ဥပဒေနှင့်အညီ ကျင့်သုံး၍ အကြမ်းဖက်လုပ်ရပ်များနှင့် ရာဇဝတ်မှု ကျူးလွန်ထားသူများကိုသာ တည်ဆဲဥပဒေများနှင့် အညီ ပြစ်ဒဏ်ချမှတ် ဆောင်ရွက်ခဲ့ခြင်းဖြစ်သည်။ မည်သူတစ်ဦးတစ်ယောက်ကိုမျှ ဥပဒေမဲ့ အရေးယူဆောင်ရွက်ထားခြင်းမရှိပါ။
နိုင်ငံတော်စီမံအုပ်ချုပ်ရေးကောင်စီသည် မြန်မာပြည်သူများ၏ဆန္ဒနှင့်အညီ ရှေ့လုပ်ငန်းစဉ် (၅) ရပ်တွင် ပါဝင်သော ဦးတည်ချက်တစ်ရပ်ဖြစ်သည့် ဒီမိုကရေစီနှင့် ဖက်ဒရယ်စနစ်ကို အခြေခံသည့် ပြည်ထောင်စုတည်ဆောက်ရန် ကြိုးပမ်းဆောင်ရွက်လျက်ရှိသည်။ အားလုံး ပါဝင်သော နိုင်ငံရေးလုပ်ငန်းစဉ် တစ်ရပ် ဖော်ဆောင်နိုင်ရန်အတွက် နိုင်ငံတော်အစိုးရသည် ၂၀၂၃ ခုနှစ်၊ ဇန်နဝါရီလတွင် နိုင်ငံရေးပါတီများ မှတ်ပုံတင်ခြင်းဥပဒေကို ပြဋ္ဌာန်းခဲ့သည်။
ထို့ပြင် နိုင်ငံတော်အစိုးရသည် ဆန့်ကျင်ဘက်အဖွဲ့အစည်းများနှင့် လူပုဂ္ဂိုလ်များ ကိုလည်း ၎င်းတို့၏ ပုံမှန်လူမှုဘဝတွင် အေးချမ်းစွာနေထိုင်နိုင်ရန်အတွက် ဥပဒေဘောင်အတွင်း ဝင်ရောက်ကြရန် ဖိတ်ခေါ်ထားသည်။ ပါတီစုံဒီမိုကရေစီ ရွေးကောက်ပွဲမှတစ်ဆင့် ငြိမ်းချမ်းစွာ ဥပဒေနှင့်အညီ နိုင်ငံရေးလုပ်ငန်းစဉ်တွင် မည်သူမဆိုပါဝင်နိုင်ရန် လမ်းဖွင့်ပေးထားပြီး ဖြစ်သည်။ နိုင်ငံတော်စီမံအုပ်ချုပ်ရေးကောင်စီသည် အရေးပေါ်ကာလဆိုင်ရာ ပြဋ္ဌာန်းချက်များနှင့်အညီ ဆောင်ရွက်ပြီးပါက ဖွဲ့စည်းပုံအခြေခံဥပဒေ (၂၀၀၈ ခုနှစ်) နှင့်အညီ လွတ်လပ်၍ တရားမျှတသော ပါတီစုံဒီမိုကရေစီရွေးကောက်ပွဲ ကျင်းပပေးသွားမည်ဟု အသိပေးထားပြီး ဖြစ်သည်။
နိုင်ငံတော်အစိုးရသည် ပြီးခဲ့သည့် နှစ်နှစ်တာကာလအတွင်း တိုင်းရင်းသား လက်နက်ကိုင်အဖွဲ့များနှင့် ငြိမ်းချမ်းရေးဆွေးနွေးပွဲပေါင်း (၁၀၆) ကြိမ် ပြုလုပ်ခဲ့သည့်အပြင် ပြစ်ဒဏ်ကျခံနေရသူ (၆၂၈၁၈) ကျော်ကိုလည်း လွတ်ငြိမ်းချမ်းသာခွင့်ပြုခဲ့သည်။ ၂၀၂၁ ခုနှစ်၊ ဖေဖော်ဝါရီလ ၂ ရက်မှ ယနေ့အထိ သေဒဏ်ကျခံနေရသည့် စုစုပေါင်း အကျဉ်းသား (၅၉) ဦးကိုလည်း တစ်သက်တစ်ကျွန်းပြစ်ဒဏ်သို့ လျော့ပေါ့ပေးခဲ့သည်။
နိုင်ငံတော်အစိုးရမှ ဆောင်ရွက်လျက်ရှိသည့် ဒီမိုကရေစီနှင့်ဖက်ဒရယ်စနစ်ကို အခြေခံသော ပြည်ထောင်စုတည်ဆောက်ရေးလုပ်ငန်းစဉ်ကို နိုင်ငံတကာ အသိုင်းအဝိုင်းအနေဖြင့် နားလည်မှု၊ အားပေးမှုနှင့် အပြုသဘောပူးပေါင်း ဆောင်ရွက်မှုများ ပေးအပ်ရန်လိုပြီး နိုင်ငံတည်ငြိမ် အေးချမ်းရေးနှင့် ဖွံ့ဖြိုးတိုးတက်ရေးကို ပျက်ပြားစေသည့် မည်သည့်အကြမ်းဖက်မှု လုပ်ရပ်မျိုးကိုမဆို ဆန့်ကျင်ရှုတ်ချသွားရန်လိုကြောင်း နိုင်ငံခြားရေးဝန်ကြီးဌာနက တောင်းဆိုသည်။
နိုင်ငံခြားရေးဝန်ကြီးဌာန
နေပြည်တော်
ရက်စွဲ၊ ၂၀၂၃ ခုနှစ်၊ ဇွန်လ ၂၅ ရက်
******************************
Press Statement
The Ministry of Foreign Affairs has learnt that the Joint Statement from the United States and India released on 22 June 2023 mentioned about the situation in Myanmar.
In this regard, the Ministry wishes to underscores that the incumbent Government which has been vested three pillars of powers by the State Constitution (2008) has taken legal actions against only those who have been found guilty of committing crimes or terrorist acts in accordance with the existing laws. As such, there is no one who has been detained arbitrarily in Myanmar.
The State Administration Council (SAC) has been exerting its utmost efforts to build a Union based on democracy and federalism aiming to fulfill the aspiration of Myanmar people which is one of the objectives of the Five-Point Road Map of the SAC. The Government has enacted Political Parties Registration Law in January 2023 paving the way for all inclusive political process. The Government has also invited opposition groups and opponents to return to the legal fold in order to resume their normal lives. The inclusive political process is open for anyone who genuinely wishes to participate through multiparty democratic election in a peaceful and legal manner. The SAC has already committed to hold a free and fair multi-party democratic election in line with the 2008 Constitution upon accomplishing the provisions of the state of emergency.
In this respect, over the past two years, the Government has conducted 106 rounds of peace talks with Ethnic Armed Organizations (EAOs) while over 62,818 prisoners were granted amnesties. From 2 February 2021 to date, a total of 59 prisoners who were serving death sentences were commuted to life imprisonment.
The Ministry, therefore, seeks understanding, support, and constructive cooperation of the international community to the Government’s efforts to build a Union based on democracy and federalism as well as condemnation to terrorism in all its forms and manifestation to ensure peace and stability, and development in Myanmar.
Ministry of Foreign Affairs
Nay Pyi Taw
Dated, 25 June 2023
