(၁၆-၇-၂၀၂၃ ရက်၊ နေပြည်တော်)
မဲခေါင်-ဂင်္ဂါ ပူးပေါင်းဆောင်ရွက်မှု၏ အလှည့်ကျ ပူးတွဲဥက္ကဋ္ဌဖြစ်သည့် လာအိုပြည်သူ့ ဒီမိုကရက်တစ်သမ္မတနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီး မစ္စတာဆလုံးဆေး ကိုမာဆစ်၏ ဖိတ်ကြားချက်အရ နိုင်ငံခြားရေးဝန်ကြီးဌာန၊ ပြည်ထောင်စုဝန်ကြီး ဦးသန်းဆွေသည် ၂၀၂၃ ခုနှစ်၊ ဇူလိုင်လ ၁၆ ရက်နေ့တွင် ထိုင်းနိုင်ငံ၊ ဗန်ကောက်မြို့၌ ကျင်းပပြုလုပ်ခဲ့သည့် (၁၂) ကြိမ်မြောက် မဲခေါင်-ဂင်္ဂါ ပူးပေါင်းဆောင်ရွက်မှု နိုင်ငံခြားရေးဝန်ကြီးများ အစည်းအဝေးသို့ ပါဝင်တက်ရောက်ခဲ့သည်။
အဆိုပါအစည်းအဝေး၌ လာအိုပြည်သူ့ဒီမိုကရက်တစ်သမ္မတနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီး မစ္စတာဆလုံးဆေးကိုမာဆစ်နှင့် အိန္ဒိယသမ္မတနိုင်ငံ ပြည်ပရေးရာဝန်ကြီး ဒေါက်တာအက်စ်ဂျိုင်ရှန်ကာ တို့က ပူးတွဲဥက္ကဋ္ဌများအဖြစ် ဆောင်ရွက်ခဲ့ကြပြီး၊ မဲခေါင်-ဂင်္ဂါ ပူးပေါင်းဆောင်ရွက်မှု အဖွဲ့ဝင်နိုင်ငံများမှ နိုင်ငံခြားရေးဝန်ကြီးများနှင့် ကိုယ်စားလှယ်များ ပါဝင် တက်ရောက်ခဲ့ကြသည်။ ကမ္ဘောဒီးယားဘုရင့်နိုင်ငံအစိုးရ၏ အကြီးတန်းအကြံပေး ဒေါက်တာ ဆုတ်ခ်စီဖားနား၊ ထိုင်းဘုရင့်နိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီး မစ္စတာဒွန်ပရာ မွတ်(ဒ်)ဝီနိုင်း တို့ အစည်းအဝေးသို့ လူကိုယ်တိုင်တက်ရောက်ခဲ့ကြကာ ဗီယက်နမ်ဆိုရှယ်လစ် သမ္မတနိုင်ငံ နိုင်ငံခြားရေးဝန်ကြီး မစ္စတာ ဗွီသန်းစွန်းက ဗွီဒီယိုကွန်ဖရင့် စနစ်ဖြင့် ပါဝင်တက်ရောက်ခဲ့သည်။
နိုင်ငံခြားရေးဝန်ကြီးများသည် အိန္ဒိယ-မြန်မာ-ထိုင်း သုံးနိုင်ငံ အမြန်လမ်း စီမံကိန်းနှင့်ပတ်သက်၍ ဖြစ်ပေါ်တိုးတက်မှုနှင့် အလားအလာများကို ပြန်လည်သုံးသပ်ခဲ့ကြသည်။ အလားတူ မဲခေါင်-ဂင်္ဂါ ပူးပေါင်းဆောင်ရွက်မှု အဖွဲ့ဝင်နိုင်ငံများ၏ ပူးပေါင်းဆောင်ရွက်မှုနှင့် အနာဂတ်အစီအစဉ်များအပေါ် အမြင်ချင်း ဆွေးနွေးဖလှယ်ခဲ့ကြသည်။
အစည်းအဝေး၌ မဲခေါင်-ဂင်္ဂါ ပူးပေါင်းဆောင်ရွက်မှုအောက်ရှိ ပူးပေါင်း ဆောင်ရွက်မှု နယ်ပယ်များ၌ ဦးဆောင်နိုင်ငံထားရှိမည့်စနစ်ကို အကောင်အထည်ဖော်သွားရေးနှင့် မဲခေါင်- ဂင်္ဂါ ပူးပေါင်းဆောင်ရွက်မှု စီးပွားရေးကောင်စီ ထူထောင်သွားရေးတို့ကို သဘောတူညီခဲ့ကြသည်။ အစည်းအဝေးရလဒ်အဖြစ် (၁၂) ကြိမ်မြောက် မဲခေါင်-ဂင်္ဂါ ပူးပေါင်းဆောင်ရွက်မှု နိုင်ငံခြားရေးဝန်ကြီးများအစည်းအဝေး၏ ပူးတွဲထုတ်ပြန်ချက်ကို အဖွဲ့ဝင်နိုင်ငံများ၏ တူညီဆန္ဒဖြင့် ထုတ်ပြန်နိုင်ခဲ့သည်။
ထို့နောက် မြန်မာနိုင်ငံသည် မဲခေါင်-ဂင်္ဂါ ပူးပေါင်းဆောင်ရွက်မှု၏ အလှည့်ကျ ပူးတွဲဥက္ကဋ္ဌတာဝန်ကို လာအိုနိုင်ငံထံမှ လွှဲပြောင်းလက်ခံရယူခဲ့သည်။ မြန်မာနိုင်ငံနှင့် အိန္ဒိယနိုင်ငံ တို့သည် မဲခေါင်-ဂင်္ဂါ ပူးပေါင်းဆောင်ရွက်မှု၏ ပူးတွဲဥက္ကဋ္ဌများအဖြစ် ဆက်လက် ဆောင်ရွက်ကြမည်ဖြစ်သည်။
(၁၂) ကြိမ်မြောက် မဲခေါင်-ဂင်္ဂါ ပူးပေါင်းဆောင်ရွက်မှု နိုင်ငံခြားရေးဝန်ကြီးများ အစည်းအဝေးမတိုင်မီ မဲခေါင်-ဂင်္ဂါ ပူးပေါင်းဆောင်ရွက်မှု၏ အမြဲတမ်း ပူးတွဲဥက္ကဋ္ဌဖြစ်သည့် အိန္ဒိယနိုင်ငံ ပြည်ပရေးရာဝန်ကြီး ဒေါက်တာအက်စ်ဂျိုင်ရှန်ကာ က မဲခေါင်-ဂင်္ဂါ ပူးပေါင်းဆောင်ရွက်မှု အဖွဲ့ဝင် နိုင်ငံခြားရေးဝန်ကြီးများအား နေ့လယ်စာဖြင့် တည်ခင်းဧည့်ခံခဲ့သည်။
မဲခေါင်-ဂင်္ဂါ ပူးပေါင်းဆောင်ရွက်မှုသည် ၂၀၀၀ ပြည့်နှစ်တွင် စတင် ထူထောင်ခဲ့သည့် ဒေသတွင်း ပူးပေါင်းဆောင်ရွက်မှု လုပ်ငန်းစဉ်ဖြစ်ပြီး၊ ဒေသတွင်း လူမှုစီးပွားဖွံ့ဖြိုးတိုးတက်မှု ပိုမိုရှင်သန်ခိုင်မာစေရေး ဆောင်ရွက်သည့် လုပ်ငန်းစဉ်ဖြစ်သည်။ မဲခေါင်-ဂင်္ဂါ ပူးပေါင်း ဆောင်ရွက်မှုတွင် အိန္ဒိယနိုင်ငံ နှင့် မဲခေါင်ဒေသခွဲနိုင်ငံများဖြစ်သည့် ကမ္ဘောဒီးယား၊ လာအို၊ မြန်မာ၊ ထိုင်းနှင့် ဗီယက်နမ်နိုင်ငံတို့ ပါဝင်ကြောင်း သိရှိရပါသည်။

*****************

Union Minister for Foreign Affairs H.E. U Than Swe attends the 12th Mekong- Ganga Cooperation Foreign Ministers’ Meeting in Bangkok, Thailand

(16 July 2023, Nay Pyi Taw)
At the official invitation of H.E. Mr. Saleumxay Kommasith, Deputy Prime Minister and Minister of Foreign Affairs of the Lao People’s Democratic Republic, the current Co-Chair of the Mekong-Ganga Cooperation (MGC), the Union Minister for Foreign Affairs H.E. U Than Swe attended the 12th Mekong- Ganga Cooperation Foreign Ministers’ Meeting (12th MGC FMM) held on 16 July 2023 in Bangkok, Thailand.
The meeting was co-chaired by H.E. Mr. Saleumxay Kommasith, Deputy Prime Minister and Minister of Foreign Affairs of the Lao People’s Democratic Republic, and H.E. Dr. S. Jaishankar, Minister for External Affairs of the Republic of India. The Foreign Ministers and representative from other Mekong-Ganga Cooperation Member States i.e. H.E. Dr. Sok Siphana, Senior Advisor to the Royal Government of Cambodia and H.E. Mr. Don Pramudwinai, Deputy Prime Minister and Minister of Foreign Affairs of the Kingdom of Thailand attended the meeting physically, and H.E. Mr. Bui Thanh Son, Minister of Foreign Affairs of the Socialist Republic of Viet Nam also participated virtually.
The Ministers reviewed the progress of India-Myanmar-Thailand (IMT) Trilateral Highway and discussed on the way forward. They also exchanged views on cooperation and future direction of Mekong-Ganga Cooperation.
At the meeting, implementation of the Lead Country Mechanism for the cooperation areas under MGC and the establishment of MGC Business Council were approved. The Joint Ministerial Statement of the 12th MGC Foreign Ministers’ Meeting was adopted by consensus as an outcome document of the Ministerial Meeting.
Then, the Lao PDR handed over the Co-Chairmanship of Mekong-Ganga Cooperation (MGC) to Myanmar. Myanmar and India will serve as Co-Chairs of the Mekong-Ganga Cooperation (MGC).
Before the 12th MGC Foreign Ministers’ Meeting, H.E. Dr. S. Jaishankar, Minister for External Affairs of India, the permanent Co-Chair of the Mekong-Ganga Cooperation, hosted a welcome lunch in honor of the Heads of Delegation of the MGC Member States.
The Mekong–Ganga Cooperation (MGC) is the regional cooperation mechanism established in the year 2000 to further enhance socio-economic development of the region. India and five Mekong countries: Cambodia, Lao PDR, Myanmar, Thailand and Viet Nam are Members of the MGC.