ပြည်ထောင်စုသမ္မတမြန်မာနိုင်ငံတော်၊ နိုင်ငံခြားရေးဝန်ကြီးဌာန၊ ပြည်ထောင်စုဝန်ကြီး ဦးသန်းဆွေ သည် ၂၀၂၃ ခုနှစ်၊ ဇူလိုင်လ ၆ ရက်တွင် ကာတာသံရုံးယာယီတာဝန်ခံ မစ္စတာ ရာရှစ် အက်ဘ်ဒူလာ အမ်.အေ. အယ်လ်-ကူဝါရီအား (၀၉၀၀) နာရီတွင်လည်းကောင်း၊ အိန္ဒိယနိုင်ငံ သံအမတ်ကြီး မစ္စတာ ဗီနေးကူးမားအား (၁၀၀၀) နာရီတွင်လည်းကောင်း၊ ဆော်ဒီအာရေဗျ နိုင်ငံသံအမတ်ကြီး မစ္စတာ ဆာအု(ဒ်) ဘင် အဗ္ဗဒူ(လ်)လာ အယ်လ်စုဘိုင်အား (၁၁၀၀) နာရီတွင် လည်းကောင်း၊ ကုလသမဂ္ဂ ယာယီဌာနေညှိနှိုင်းရေးမှူးနှင့် လူသားချင်း စာနာထောက်ထားမှု ဆိုင်ရာ ယာယီညှိနှိုင်းရေးမှူး မစ္စတာ ရာမနသန် ဘာလာခရှစ်နန်အား (၁၃၀၀) နာရီတွင် လည်းကောင်း ရန်ကုန်မြို့ရှိ နိုင်ငံခြားရေးဝန်ကြီးဌာန၌ အသီးသီး လက်ခံတွေ့ဆုံခဲ့သည်။
ကာတာသံရုံးယာယီတာဝန်ခံနှင့်တွေ့ဆုံစဉ် မြန်မာ-ကာတာနှစ်နိုင်ငံအကြား ချစ်ကြည် ရင်းနှီးသော ဆက်ဆံရေးတိုးတက်ခိုင်မာရေး၊ မြန်မာ့လယ်ယာနှင့် ရေထွက်ထုတ်ကုန်များ တင်ပို့သွားရေး၊ နှစ်နိုင်ငံအကြား စွမ်းအင်၊ ဟိုတယ်နှင့် ခရီးသွားလုပ်ငန်း၊ ရင်းနှီးမြှုပ်နှံမှုနှင့် ကုန်သွယ်ရေးတိုးမြှင့်သွားရေးတို့ကို ရင်းနှီးစွာ အမြင်ချင်းဖလှယ်ဆွေးနွေးခဲ့သည်။ ထို့အပြင် မြန်မာနှင့် ကာတာနိုင်ငံတို့အကြား လေကြောင်းလိုင်းများ ပြန်လည်ပျံသန်းပြေးဆွဲသွားရေးနှင့် ပူးပေါင်းဆောင်ရွက်မှုများ မြှင့်တင်သွားနိုင်ရန်အတွက် နားလည်မှု စာချွန်လွှာများ၊ သဘောတူစာချုပ်များရေးထိုးသွားရေးတို့နှင့်စပ်လျဉ်း၍ ဆွေးနွေးခဲ့ကြသည်။
အိန္ဒိယသံအမတ်ကြီးနှင့် တွေ့ဆုံစဉ် မြန်မာ-အိန္ဒိယအကြား ရှိရင်းစွဲ ချစ်ကြည်ရင်းနှီးသော ဆက်ဆံရေး ပိုမိုတိုးမြှင့်ရေး၊ နှစ်နိုင်ငံအကြား လမ်းပန်းဆက်သွယ်မှု ချိတ်ဆက်ရေးနှင့် နယ်စပ် ဖြတ်ကျော် လျှပ်စစ်ဓာတ်အား လိုင်းသွယ်တန်းမှု တို့ အပါအဝင် အပြန်အလှန် အကျိုးဖြစ်ထွန်း စေမည့် ပူးပေါင်းဆောင်ရွက်မှုများ တိုးချဲ့ရေး၊ ဆိုင်ကလုန်း“မိုခါ” ဒဏ်သင့်ဒေသများ၌ ပြန်လည် ထူထောင်ရေးနှင့် ပြန်လည်တည်ဆောက်ရေးလုပ်ငန်းများတွင် အိန္ဒိယနိုင်ငံမှ ဆက်လက် အကူအညီပေးသွားရေးနှင့် ဒေသတွင်းနှင့် နိုင်ငံတကာမျက်နှာစာတွင် ပိုမိုနီးကပ်စွာ ပူးပေါင်းဆောင်ရွက်ရေး ကိစ္စရပ်များအပေါ် ရင်းနှီးပွင့်လင်းစွာ အမြင်ချင်းဖလှယ် ဆွေးနွေးခဲ့ကြသည်။
ဆော်ဒီသံအမတ်ကြီးနှင့်တွေ့ဆုံစဉ် နှစ်နိုင်ငံအကြား ဆက်ဆံရေး တိုးတက်ခိုင်မာရေး၊ မြန်မာနိုင်ငံမှ လယ်ယာနှင့် ရေထွက်ကုန်များကို ဆော်ဒီအာရေဗျနိုင်ငံသို့ တင်ပို့နိုင်မည့် အခွင့်အလမ်းများ ရှာဖွေရေး၊ စွမ်းအင်၊ ရင်းနှီးမြှုပ်နှံမှုနှင့် ကုန်သွယ်ရေး၊ အလုပ်သမားရေးရာ၊ ယဉ်ကျေးမှု၊ ပညာရေး စသည့် ကဏ္ဍများ အပါအဝင် နှစ်နိုင်ငံပူးပေါင်းဆောင်ရွက်မှု မြှင့်တင်ရေး နှင့် နိုင်ငံတကာမျက်နှာစာတွင် ပိုမိုနီးကပ်စွာ ဆက်လက်ပူးပေါင်းဆောင်ရွက်သွားရေး စသည့် ကိစ္စရပ်များနှင့်စပ်လျဉ်း၍ ခင်မင်ရင်းနှီးစွာ အမြင်ချင်းဖလှယ်ဆွေးနွေးခဲ့ကြသည်။
ကုလသမဂ္ဂ ဌာနေညှိနှိုင်းရေး ကိုယ်စားလှယ်နှင့်တွေ့ဆုံစဉ် ကုလသမဂ္ဂအဖွဲ့အစည်းများနှင့် လက်အောက်ခံအဖွဲ့အစည်းများက “မိုခါ”မုန်တိုင်းဒဏ်သင့် မြန်မာပြည်သူများအတွက် လူသားချင်းစာနာထောက်ထားမှု အကူအညီများပေးအပ်ရာတွင် အဆင်ပြေချောမွေ့ရေး၊ ထိရောက်မှုရှိစေရေးတို့အတွက် ညှိနှိုင်းပူးပေါင်းဆောင်ရွက်နိုင်မည့် ကိစ္စများကို ဆွေးနွေးအမြင်ချင်း ဖလှယ်ခဲ့ကြသည်။

နိုင်ငံခြားရေးဝန်ကြီးဌာန
နေပြည်တော်
ရက်စွဲ၊ ၂၀၂၃ခုနှစ်၊ ဇူလိုင်လ ၆ ရက်။

==========

PRESS RELEASE
U Than Swe, Union Minister for Foreign Affairs of the Republic of the Union of Myanmar, received Mr. Rashid Abdulla M.A. Al-Kuwari, Charge' d'Affaires of Qatar at 09:00 hrs, H.E. Mr. Vinay Kumar, Ambassador of India at 10:00 hrs, H.E. Mr. Saud bin Abdullah Alsubaie, Ambassador of Saudi Arabia at 11:00 hrs, and Mr. Ramanathan Balakrishnan, UN Resident and Humanitarian Coordinator (a.i.) at 13:00 hrs respectively on 6 July 2023 at the Ministry of Foreign Affairs, Yangon.
At the call with Charge' d'Affaires of Qatar, they cordially exchanged views on matters pertaining to the enhancing of friendly bilateral ties between Myanmar and Qatar, expanding mutually beneficial cooperation including trade and investment, particularly in the areas of agricultural and maritime products, energy, hotels and tourism. They also discussed the resumption of commercial flights as well as the signing of MoUs and Agreements for accelerating bilateral cooperation between Myanmar and Qatar.
During the call with the Indian Ambassador, they candidly exchanged views on matters related to the promotion of existing friendly bilateral relations, expansion of mutually beneficial cooperation including connectivity and cross-border electricity transmission, India’s continued support on the rehabilitation and reconstruction works in areas affected by the Cyclone MOCHA as well as closer collaboration in the regional and international fora.
At the call with Saudi Ambassador, they cordially discussed matters pertaining to the promotion of friendly relations between Myanmar and Saudi Arabia, the possibility of exporting Myanmar’s agricultural and marine products to Saudi Arabia, enhancing bilateral cooperation in the fields of energy, trade and investment, labour, culture and education as well as strengthening cooperation in multilateral fora.
During the meeting with the UN Resident Coordinator, they discussed matters of cooperation for smooth and effective provision of humanitarian assistance to the Myanmar people affected by Cyclone MOCHA.

Ministry of Foreign Affairs
Nay Pyi Taw
Dated, 6 July 2023