၂၀၂၃ ခုနှစ်၊ မေလအတွင်း မြန်မာနိုင်ငံ၌ ဖြစ်ပွားခဲ့သော ဆိုင်ကလုန်းမုန်တိုင်း ‘မိုခါ’ သဘာဝ ဘေးအန္တရာယ်သင့်ခဲ့ရသည့် ဒေသများတွင် ပြန်လည်ထူထောင်ရေးလုပ်ငန်းများ ဆောင်ရွက် နိုင်ရန်အတွက် မြန်မာသံရုံး၊ မြန်မာအမြဲတမ်းကိုယ်စားလှယ်အဖွဲ့ရုံးနှင့် မြန်မာကောင်စစ် ဝန်ချုပ်ရုံး တို့မှတစ်ဆင့် ပြည်ပနိုင်ငံများရှိ အစိုးရအဖွဲ့အစည်းများ၊ အစိုးရမဟုတ်သော အဖွဲ့အစည်းများနှင့် ပြည်ပနိုင်ငံများတွင် ရောက်ရှိနေသော မြန်မာအသိုင်းအဝိုင်း တို့အား အလှူခံသွားရန် နိုင်ငံခြားရေးဝန်ကြီးဌာနအနေဖြင့် ဆောင်ရွက်ခဲ့ပါသည်။
ယခုအခါ မြန်မာသံရုံး၊ မြန်မာအမြဲတမ်းကိုယ်စားလှယ်အဖွဲ့ရုံးနှင့် မြန်မာကောင်စစ် ဝန်ချုပ်ရုံးတို့မှ သံရုံးအကြီးအကဲများနှင့် သံရုံးဝန်ထမ်းမိသားစုများက လှူဒါန်းခြင်း၊ မြန်မာသံရုံးများမှတစ်ဆင့် အဖွဲ့အစည်းအသီးသီးနှင့် ပြည်ပရောက် မြန်မာနိုင်ငံသားများ၊ ကုမ္ပဏီများက လှူဒါန်းခြင်းများအတွက် ၂၇-၆-၂၀၂၃ ရက်အထိ နိုင်ငံခြားရေးဝန်ကြီးဌာနတွင် လက်ခံရရှိထားသည့် လှူဒါန်းမှု စာရင်းအား ကျေးဇူးတင်ရှိစွာဖြင့် အသိအမှတ်ပြု ဖော်ပြအပ်ပါသည်။
